eSefarad

En dia de martes, 4 de Mayo 2010 a las 17.30, va tomar lugar una tadre komunion kon la memoria de las komunidades sefaraditas de los paizes del Balkan, ke fueron eksterminadas en la Shoa.

“Kada komunidad tiene un nombre” es el titulo de este evento
ke va tomar lugar en “Ehal Yaadut Vohlin” en la kaye Korazin 10,
en Givatayim (Israel), kon la prezensia de :

* Yitzhak Navon, el sinken prezidente de Israel, i el prezidente de la
  Autoridad Nasionala de la kultura del Ladino
* La Sra. Dorit Novak, la direktora de la eskola sentral (en “Yad vaShem”) por la ensenyansa de la Shoa 
* Moshe Haelion, el prezidente de la organizasion de los sovrebivientes de los kampos de eksterminasion (orijinarios de Gresia)
* Moshe Testa, el prezidente de la asosiasion de mueva jenerasion de los Judyos de Macedonia
* Moshe Ben-Shahar, el prezidente de la asosiasion de los imigrantes venidos de Yoguslavia.

La aktriz Hani Nahmias ke va moderar a este enkontro solemne i será tambien la partisipasion del kantador Aaaron Ferera.

Para rezervar lugar en esta nochada ay de telefonar 03-6884928 o 6881930.
_______________________________________________________________________________
 
Rengrasiamos a mustro amigo Yehuda Hatsvi ke mos mando esta valutoza informasión.