eSefarad

Letra i muzika: Medi Malki – Gitarra: Leonid Baytman - Kanta: Anton Aleksiyev

Medi mos konta un poko sovre este kante: Yo nasi en Yerushalaim frente las murayas de la sivdad vieja. Pasi  ayi mi chikes i mi adolesensia. Ayi pasi dias de vida frente la frontiera i despues vidi kon mis ojos la liberasion de la sivdad vieja de Yerushalaim i el bombardeo de las murayas. Estos fueron unos dias muy espesiales. Yo bivo en las sivdad i “bivo” la sivdad. Para mi es una koza muy espasiala. “

————————————————————————————————–

 ————————————————————————————————–

VENGO DE YERUSHALAYIM
Medi Malki 

Vengo de Yerushlaim
Mi sivdad i mi amor
Ke por eya yo temblava
Frente de su gran valor

Vendo de tu ermozura
Yo nasi de tu dolor
Dia i noche vo orando
Kero se tu buen ardor.

Reflan

O , mi amor Yerushalaim
O, mi amor i mi pasion
Kanto por ti Yerushalaim
Korason de muestra nasion.

MI sivda la mas kerida
Yo t’abraso kon piadad
Altos dias i gloriozos
Brodan tu eternidad.

Frente de tus mutayas vidi
A mi dezeo egzistir
Este fue akel momento
Ke por ti kije bivir.

Reflan

O, mi amor Yerushalam……