eSefarad

A este grande mundo de hostilidad
Vine un dia, ma sin ser invitado;
De parientes kerensiozos entornado,
Eyos me ampararon de toda maldad.

En juventud, kreyendome en libertad,
Entregi mi korason enamorado,
Komo triste pasharo enkarselado,
A todas akeyas k’eran sin piyadad.

En el mizmo tiempo, la imajinasion,
Koriya detras faldas, no sovre lesyon,
Ke puede aver mejo rkoza kel amor ?

Kuando de nieve la frente rodeada
Me veygo, no kero amar, ni amada.
Solo dezea un pokito de dulsor!